B

BABAI

Në qoftë se shikon në ëndërr babain ose prindërit që të kanë vdekur dhe që të flasin, do të dëgjosh lajme të mira. Në qoftë se jetojnë dhe i sheh të vdekur, do të kesh mërzitje dhe probleme.

BAJAME (pemë)

Në qoftë se e sheh të lulëzuar do të thotë lumturi dhe gëzim dhe suksesin tënd. Por në qoftë se e sheh të tharë, do të mërzitesh shumë. I sëmuri kur sheh bajame të lulëzuar do të shërohet shpejt dhe në të kundërtën do të keqësohet. Në qoftë se e sheh beqar, do të martohet së shpejti.

BAJAME (sëmundje)

Do të provojë diçka të padëshirueshme.

BALENË

Në qoftë se ëndërroni balenë brenda në det, do të keni ndihmë nga dikush që nuk e prisni. Në qoftë se e shikoni në tokë, do të ndodheni në një ngjarie të jashtëzakonshme, por e jo aq dobishme për ju.

BALSAM

Në qoftë se të hedhin në plagë, ke një person që të mbron shumë.

Në qoftë se se e derdh ti tek dikush tjetër, do ta mbrosh ti atë person.

BALSAMOS

Në qoftë se shikoni sikur po balsamosni kafshë ose njeri ose që shikoni të balsamosur, shokët tuaj janë ironik dhe kujdes se mundohen t’ju zhgënjejnë.

BALTË

Në qoftë se shihni se ecni në një rrugë me baltë nga shiu, do të mërziteni nga diçka e papritur, në qoftë se shihni që ju hedhin baltë, të njohurit tuaj ju marrin nëpër gojë. Në qoftë se ju u hidhni baltë të tjerëve, do të dalë në dritë jeta e shthurur që bëni. Kjo ëndërr është e mirë për ata që punojnë me baltë, pasi do të thotë lumturi dhe fitime.

BALL

Në qoftë se ëndërroni sikur keni ball të shëndosh dhe të madh, do të kaloni një jetë të qetë dhe të lumtur pa halle, dhe gjithashtu do të sundoni armiqtë tuaj. Në qoftë se keni ball të ngushtë ose me rrudha ose të plagosur do të humbisni shumë mundësi për tu pasururar dhe do të pësoni dëme dhe rreziqe të mëdha. Në qoftë se ëndërroni sikur keni ball hekuri ose bakri ose guri, do t’ju urrejnë jashtë mase, vetëm në qoftë se jeni persona që merreni me punë të zeza, atëherë ëndrra do t’ju dalë për mirë dhe do të keni shumë fitime. Në qoftë se shikoni sikur keni ball të ulët, do të pësoni dëme vetëm në qoftë se jeni përdorues i parave të huaja, atëherë do të keni fitime.

BALLKON

Në qoftë se shikon sikur po qëndron në një ballkon, do të fitosh një punë shumë të rëndësishme. Në qoftë se je grua, do të akuzohesh jashtë mase. Në qoftë se ndërton punët tuaja janë në rrugë të mbarë.

BAMIRËSI

Në qoftë se shikon se bën bamirësi me çfarëdo lloj mënyre do të keni qetësim shpirtëror, kënaqësi dhe fitime që do të vijnë nga mundimet tuaja.

BAMJE

Në qoftë se shihni në ëndërr thjesht bamje, do të hidhëroheni.

Në qoftë se i hani, do të keni zënka të vogla.

BANDIT

Në qoftë se shikon sikur je bandit ose që bën krime do të pësosh varfëri dhe fatkeqësi. Në qoftë se shikon dikë tjetër të vrasë ose të përdor keq dikë, ti do të kesh siguri. Por në qoftë se të bën keq ty, kujdes nga armiqtë e tu. Në qoftë se thjesht shikon një bandit, do të marrësh lajm të keq.

BANKET

Në qoftë se shikoni se po bëni një banket ose gjendeni në një banket fejese ose dasme, do të merrni lajme të mira.

BAROMETËR

Do të thotë dëme të mëdha në punët tuaja.

BARK

Në qoftë se ëndërron sikur barku yt është i madh do të thotë shumë fitime do të bësh me aktivitetet tuaja. Në qoftë se shikon sikur të është enjtur, do të pësosh dëm ekonomik pa e kuptuar edhe ti vetë se si do të ndodhë. Në qoftë se të dhemb, do të keni ngacmime familjare.

BARI

Në qoftë se shikon në ëndërr që je bari, do të kesh fitime të mëdha në punë.

Në qoftë se sheh dikë tjetër bari, fitimet e tua do të jenë të pakta.

BARDHË

Në qoftë se shikon një njeri shumë të bardhë ai do të sjell një lajm të mirë. Në qoftë se shikon sikur je bërë i bardhë, do t’ja dalësh mbanë në atë që ke nisur. Në qoftë se shikon sikur ke veshur të bardha, do të marrësh gëzim dhe në qoftë se je plak do të vdesësh i qetë.

BARKAR

Në qoftë se ëndërron sikur je barker, kujdes se mundimet që keni bërë mund t’ju shkojnë kot dhe mund të pësoni të keq të madh. Në qoftë se shikon sikur po flet me një barker, dikush do t’ju ofroj një punë të cilën duhet ta pranoni për të mirën tuaj. Në qoftë se zihesh me barkar do të ngatërrohesh në një çështje ku do të humbasësh shumë para. Në qoftë se je grua dhe shikon sikur dashuron një barker, një person me karakter të mrekullueshëm të do në të vërtetë.

BARUT

Në qoftë se shikon se mbush fishekë me barut, do të marrësh një lajm të mirë, në qoftë se i vini zjarr barutit, do të keni suksese në punë.

BATANIJE

Në qoftë se shihni që jeni të mbuluar me batanije, armiqtë që keni nuk mund t’ju bëjnë keq. Në qoftë se shtroni batanije përtokë, sjellja juaj ju sjell mjaft probleme.

BATAK

Në qoftë se sheh se bie brenda në batak dhe nuk mund të ecësh, nuk do të të realizohen planet. Në qoftë se mundohesh të dalësh dhe nuk ia arrin do të sëmuresh rëndë.

BATHË

Ëndërr e keqe. Në qoftë se i shikon të njomë do të grindesh me komshitë ose me shokët dhe mund të arrini edhe deri në gjykatë. Në qoftë se janë të thata probleme familjare.

BAZË

Në qoftë se ëndërron sikur po gërmon bazën e shtëpisë, do të të vdesë një kushëri shumë i afërt. Në qoftë se ndërton baza ndërtimi në qoftë se je beqar do të martohesh, në qoftë se je i martuar do të bësh fëmijë, në qoftë se je plak do të kalosh mirë. Në qoftë se ndërton baza në rërë ose në një vend të paqëndrueshëm, planet tuaja do të shemben.

BEREQET

Në qoftë se sheh se ke bereqet të madh çështjet tuaja nuk janë të sigurta ndaj kujdes.

BERBER

Në qoftë se shihni berber do të keni vështirësi në arritjen e qëllimeve tuaja. Në qoftë se ju qethin kokën ka mundësi t’ju tallin. Në qoftë se jeni burrë dhe shihni në ëndërr berber, do të keni probleme me shëndetin. Në qoftë se jeni grua dhe shihni berber, do të keni rritje të të ardhurave.

BEQAR

Në rast se jeni I martuar dhe shikoni se je beqar, frikë se mos ngeleni i vejë ose ju tradhëton bashkëshortja. Në rast se jeni I pamartuar dhe shikoni se jeni beqar, jeni në prag të martesës.

BENZINË

Në qoftë se thjesht sheh benzinë është mërzitje. Në qoftë se pastron diçka me benzinë do të thotë se u shmangesh problemeve për një moment.

BEKIM

Kushdo që të të bekojë në ëndërr, është diçka shumë e mirë. Do të keni fitime dhe suksese. Në qoftë se shihni që ju bekon prifti, ju presin probleme dhe mërzitje me partnerin dhe me familjen. Fati i keq ju ndjek. Në qoftë se shihni që ju bekon një njeri i madh ose prindërit tuaj, do të keni shëndet dhe jetëgjatësi. Në qoftë se bekimin e jepni ju tek të tjerë ose të tjerë tek ju është mirë, suksese ju presin.

BESIM

Në qoftë se shikon sikur ndërron besim, do të keqësohet gjendja jote ekonomike. Do të pësosh dëme dhe mërzitje. Në qoftë se shikon se nuk beson asgjëkundi do të pësosh dëme. Në qoftë se shikon sikur je besimtar I fort do të pasurohesh dhe do të shërohesh në qoftë se je I sëmurë.

BETEJË

Në qoftë se shikon sikur merr pjesë në betejë turpërime të mëdha I pret familjen tënde.

BETIM

Në qoftë se sheh se betohesh në gjyq, do të bëni armiq të rinj, në qoftë se betoheni përpara shokëve, nuk do të përmbushni dot detyrat që keni marrë përsipër. Në qoftë se një grua sheh ëndërr të tillë, njeriu që do nuk e meriton dashurinë e saj.

BËRSI

Në qoftë se shikoni bërsi rrushi, gjendja juaj ekonomike është shumë e mirë dhe do të përmirësohet edhe më shumë.

BËRRYL

Në rast se të dhëmb bërryli do të fitosh me pjestarë të familjes.
Në rast se nuk e ke thyer, do të kesh mërzitje ekonomike.

BËRRUCË

Në qoftë se shikon se ke veshur pa qenë fshatar dhe në qoftë se është e re dhe e mirë në përgjithësi ëndrra është e mirë. Në qoftë se është e vjetër dhe e keqe do të pësoni hidhërime dhe mërzitje.

BIÇIKLETË

Në qoftë se shikoni sikur po ecni me biçikletë në një vend të sheshuar dhe të bukur, do të keni fitime dhe gëzime. Në qoftë se shikoni sikur po ecni me biçikletë në një vend të keq, do të keni shumë pengesa në çështjet tuaja dhe në aktivitetet tuaja.

BILARDO

Në qoftë se shihni thjesht bilardo, do të keni sukses në dashuri, në qoftë se luani bilardo, do të fitoni para me mashtrime.

BILBIL

Sukses. Martesë për beqarët dhe fëmijë për të martuarit.
Në qoftë se e dëgjon duke kënduar fat dhe lumturi. Në qoftë se e shikon duke bërë fole në shtëpinë tënde lumturi në familje.

BILETË

Në qoftë se shihni që keni një biletë për të shkuar diku, atëherë do të merrni vendimet e duhura për problemet që keni. Në qoftë se nuk gjeni bileta për të shkuar diku, do të keni ngatërresa, zënie dhe gjëndje familjare jo të mirë. Në qoftë se gjeni biletë, do të keni sukses profesional, sidomos kur me të shkoni në një vend të madh, ju pret karrierë dhe pasuri.

BIJË

Në qoftë se shikon se ke bijë dhe e marton do të martohet një i afërt i yti. Në qoftë se shikon sikur të lind vajzë do të keni drejtësi dhe gëzim. Në qoftë se shikon sikur ke dhe në të vërtetë nuk ke do të ndodhin ngacmime familjare. Në qoftë se gruaja shtatzënë shikon sikur lindi vajzë, do të ketë një lindje të mirë dhe të lehtë.

BIMË

Në qoftë se shikoni bimë të çelura dhe të njoma, çështjet tuaja, do të zgjidhen pak e nga pak dhe në fund do të keni sukses të madh dhe do të lumturoheni. Në qoftë se I shikoni të thara ose të vyshkura, do të keni mërzitje dhe hidhërime.Në qoftë se shikoni sikur mbillni bimë, do të keni sukses në punë, por duhet të keni durim të madh që t’ja arrini qëllimit.

BIRRË

Në qoftë se shikon që pini birrë do të keni fat dhe lumturi dhe gjithashtu edhe rrjedhje të mirë të çështjeve tuaja.

BISKOTA

Në qoftë se hani biskota në ëndërr, do të sëmureni.

BISHË

Do të keni marrëveshje të vështira martesore. Në qoftë se në ëndërr egërsoheni ju, kujdes pasi do të mërziteni. Kujdes shëndetin, si dhe me bashkëpunëtorët, pasi janë kundër programeve tuaj.

BISHT

Në qoftë se ëndërroni sikur keni bisht të thjeshtë ose bisht kafshe, do t’ju urrejnë njerëzit dhe do të pësoni dëme shumë të mëdha për veprimet tuaja të këqia. Në qoftë se jeni grua, do të ndaheni nga burri. Në qoftë se ëndërroni kalë me bisht të shkurtër, do t’ju lenë të gjithë në baltë dhe do të ngeleni vetëm. Në qoftë se shikoni një kalë me bisht të bukur dhe të dendur, do t’ju ndihmojnë dhe do t’ju mbrojnë shokët dhe miqtë tuaj në momentin kur do t’i keni nevojë dhe do të keni fitime shumë të mëdha në biznesin tuaj. Në qoftë se jeni e vejë ose vajzë, do të martoheni shumë shpejtë me një person shumë të mirë. Në përgjithësi po të shikoni veten tuaj me bisht, do të thotë fat I keq.

BISHTALECA

Në qoftë se shikoni sikur keni bishtaleca të gjatë dhe të bukura, do të keni gëzim dhe emocione për diçka ose dikë. Në qoftë se jeni bjond ose me flokë kaçurrel që ju arrijnë deri në mes, prisni se do të keni dashurinë dhe dhe respektin e njerëzve. Në qoftë se shikoni sikur I tërhiqni dhe I shkulni, do të ndieni një rëndesë të madhe në shpirt.

BIZELE

Në qoftë se sheh në ëndërr që hani bizele, do të keni mërzitje ekonomike.

BJOND

Në qoftë se jeni vajzë esmere dhe ëndërroni sikur jeni bjonde, do të martoheni shumë shpejt me një njeri të përsosur. Në qoftë se shikoni sikur po bisedoni me një person bjond, shumë shokë ju mbështesin në çastet tuaja të vështira. Në qoftë se jeni bjond dhe ëndërroni sikur jeni bjond, persona të mirë ju simpatizojnë dhe mundohuni ta shfrytëzoni këtë mundësi.

BLERIM

Në qoftë se shikoni toka ose fusha të bleruara, do të keni shijime dhe gëzime. Në qoftë se shikoni sikur jeni I shtrirë mbi të, do të keni shijime, por ndryshime në gjendjen tuaj financiare për keq.

BLETË

Në qoftë se shihni bletë mbi lule, do të keni gëzim dhe lumturi në familje, në qoftë se fluturojnë rrotull shtëpisë, do të merrni para dhe trashëgimi.
Në qoftë se fluturon rreth teje, do të dëgjosh lajme të këqija, në qoftë se e vret, shkatërrim ekonomik ju pret.

BLOZË

Në qoftë se sheh se je I mbuluar me blozë do të marrësh një mërzitje të madhe nga një vjedhje që ju bëhet.

BLUAJ

Në qoftë se bluan grurë ose diçka tjetër, do të keni martesë të mirë dhe fëmijë të mirë. Në qoftë se bluan për të tjerët, do të thotë hidhërim.

BODRUM

Në qoftë se ëndërroni bodrum ose sikur banoni në një bodrum, do të pësoni sëmundje dhe humbje të mëdha ekonomnike.

BOJË

Në qoftë se thjesht shikoni bojë, do të pajtoheni me armiqtë dhe kjo gjë do të jetë me shumë interes për ty. Në qoftë se shikon sikur të derdhet bojë, do të përfundosh disa nga çështjet tuaja me shumë mundim. Në qoftë se bëhesh me bojë, do të të akuzojnë për vjedhje.

BOMBË

Në qoftë se thjesht sheh bombë ju pret një fatkeqësi. Në qoftë se plas në shtëpinë tënde, do të ndodhë diçka e keqe në shtëpi. Në qoftë se të vret do të mërzitesh shumë.

BORXH

Në qoftë se jep borxh do të keni shqetësime nga shokë. Në qoftë se merr borxh, do të keni mërzitje për humbje ekonomike.

BORXHLI

Në qoftë se shikoni sikur keni borxh, do të humbisni trashëgiminë të cilën prisnit. Në qoftë se shikoni se dikush tjetër ka borxhe dhe e ndjekin, do të fitoni një pasuri shumë të madhe ndoshta dhe një trashëgimi që nuk e prisni.

BOSTAN

Në qoftë se shikon se po ha dhe është dhe I kuq dhe I ëmbël, do të fitosh me sukses dhe do të bësh dashuri me person bjond dhe do të mësosh një lajm të mirë. Në qoftë se e ha dhe është I shpifur, do të marrësh lajme të këqia.

BOTË

Në qoftë se shikon të jetë mbledhur bota në një vend, do të bëhen shumë bisedime për të mirën tënde. Në qoftë se shikon shumë njerëz të hyjnë në shtëpinë tënde do të provosh dhimbje dhe hidhërim të madh. Në qoftë se i shikon të veshur me të zeza, do të këni gëzim.

BREDHI

Në qoftë se sheh bredha nga larg, do të marrësh lajme të mira nga miq ose të afërm që ndodhen larg. Në qoftë se ecën në mes bredhash, do të keni vështirësi në çështjet tuaja. Në qoftë se përpara shtëpisë mbin bredh, do të keni fatkeqësi në familje.
Në qoftë se i ngjiteni, do të thotë ndarje me njeriun tuaj.

BREGDET

Në qoftë se gjendesh në bregdet dhe deti është I qetë do të thotë qetësi mund të jetë një udhëtim I mirë.Nëse pret anije dhe nuk vjen do të zhgënjeheni.

BRESHËR

Në qoftë se ëndërroni sikur bie breshër, do të keni dobësi psikologjike dhe do të keni hyrje shumë të vogla parash.

BRESHKË

Në qoftë se shikoni thjesht breshkë, çështjet dhe punët tuaja në përgjithësi ecin me një ritëm shumë të ngadaltë.

BRETKOCË

Në qoftë se thjeshtë shikon një bretkocë ke armiq të këqinj të cilët mundohen të të bëjnë keq. Në përgjithësi është keq, mërzitje zhgënjim dhe lajme të këqia.

BRISK

Në qoftë se shikoni sikur prodhoni ose mprehni brisqe, do të keni ulje shumë të dukshme në gjendjen tuaj ekonomike. Në qoftë se shikoni sikur vrisni veten me brisk, do të keni lajme të hidhërueshme dhe do të humbisni shumë para. Në qoftë se shikoni sikur po ruheni do të çliroheni nga përgjegjësitë.

BRUM

Në qoftë se shikon sikur po ha brumra do të fitosh gëzim dhe surpriza të këndshme. Në qoftë se shikon dikë tjetër duke ngrënë do t’i bësh ti një surprizë të këndshme atij personi. Në qoftë se I gatuajnë të tjerët për ty do të të vijë një lajm I mirë. Në qoftë se I blen është në rrezik një I njohur I joti. Në qoftë se t’i falin je shpenzues I madh dhe do të varfërohesh. Grua shtatzënë në qoftë se shikon sikur po ha brum, do të lindë vajzë.

BRUMOS

Në qoftë se shikoni sikur po brumosni njerëz do të keni fitime të mëdha. Në qoftë se jeni të martuar dhe pa fëmijë do të bëni fëmijë. Në qoftë se jeni të pasur, do të keni pasurim akoma më të madh dhe ngritje në detyrë, në qoftë se jeni ushtarak ose diçka e tillë. Në qoftë se shikoni sikur brumosni kafshë ose bimë, do të keni fitime të mira nga puna juaj.

BRUMBULL

Në qoftë se ëndërron brumbuj do të pësosh tronditje familjare dhe mërzitje.Në qoftë se i shtyp me këmbë do t’i sundosh armiqtë.

BRIRË

Në qoftë se shikon sikur ke brirë kujdes partnerin se të tradhëton. Në qoftë se shikon kafshë me brirë gjendja jote do të përmisohet.

BUALL

Do të marrësh një lajm të keq e cila nuk do të ike nga mëndja juaj..

BUBË

Në qoftë se shikon sikur e ke vënë në gojën tënde do të thotë se do të zbulosh se një i afërt i yti është shumë i pasur. Në qoftë se shikon sikur të thonë sikur e ke në bark çështjet tuaja do të marrin ndryshim të keq, shokët do të flasin keq për ty. Në qoftë se shikon sikur i heq qafe do të marrësh lajme të mira.

BUBULLIMË

Në qoftë se dëgjon bubullimë do të dëgjosh fjalë të liga dhe të këqija. Në qoftë se je i sëmurë do të keqësohesh.

BUDALLA

Në qoftë se ëndërron sikur të thërrasin budalla është e qartë se di të sillesh me të gjithë. Në qoftë se I thua ti dikujt tjetër do të kesh një shok shumë të zgjuar, por dinak I cili do të të shfrytëzojë dhe do të të bëjë keq. Në qoftë se shikon sikur bisedon me një budalla mos u beso këshillave që të japin të tjerët. Në qoftë se je vajzë, ruaj të dashurin. Në qoftë se je grua do të pësosh dëm të madh. Në qoftë se shikon se je bërë budalla do të kesh mbrojtje dhe dashuri nga persona të dashur. Dhe këdo që të shikosh që është bërë budalla ëndrra është e mirë.

BUFE

Sidoqoftë të shikoni bufe në ëndërr dhe sidomos të mbushur plot me gjëra, do të keni interesa dhe fitime të mëdha.

BUJK

Në qoftë se sheh bujq të kultivojnë tokën do të keni fitime të mëdha dhe lumturi.
Të pamartuarit do të martohen me njerëz të mirë dhe punëtorë dhe të martuarit do të bëjnë fëmijë.

BUKË

Në qoftë se shikoni që hani bukë të bardhë, do të merrni lajme të mira, në qoftë se buka është e zezë, do të thotë dëme për të pasurit, dhe pasuri për të varfërit. Në qoftë se është prej gruri, do të keni fuqi dhe shëndet. Në qoftë se zini brumë, do të keni lumturi, në qoftë se ndani bukë tek të tjerët, do të thotë që dikush do ndihmën tuaj, dhe do t’ia jepni.

BUKËL

Në qoftë se e ndiqni, ëndrra do të ju dalë për keq, kujdes nga një armik I rrezikshëm sepse do t’ju luftojë deri në vdekje. Në qoftë se e kapni me grackë, do t’i shmangeni një rreziku të madh. Në qoftë se e shikoni të hyjë në shtëpinë tuaj dhe ju hanë shpendët ose ju bën dëme të tjera, kujdes se do t’ju vjedhin. Në qoftë se e vrisni pa dashje, do t’i jepni mundësinë armikut t’ju sundojë.

BUKUR

Në qoftë se shikoni sikur jeni I bukur ose e bukur, do të keni nderime dhe shëndet të mirë.

BUNAR

Bunari në ëndërr tregon gjithmonë zgjuarësi. Në qoftë se shikoni sikur po hapni bunar dhe je I martuar, tregon se do të bëni fëmijë. Në qoftë se shikoni sikur po pini ujë bunari të pastër, do të keni fat dhe lumturi.

BURG

Në qoftë se shikon në ëndërr thjesht burg, do të mërziteni për ndonjë shok ose të njohur. Në qoftë se jeni brenda në burg do të trashëgoni pasuri nga një i afërmi juaj.

BURIM

Në qoftë se sheh në ëndërr se je afër një burimi dhe pi ose sheh ujin e tij të pastër, do të kesh lumturi në familje, në qoftë se është i pisët një sëmundje të pret, në qoftë se është i kuq një shok ose i afërm do të vdesë. Në qoftë se burimi nuk ka ujë ju presin mërzitje.

BURRË

Në qoftë se sheh burrë të bukur dhe të shëndetshëm, do të keni gëzim dhe të ardhura, e kundërta ndodh në qoftë se shihni burrë të shëmtuar e të shkurtër. Në qoftë se një grua shikon burrë në ëndërr do të ketë sukses në dashuri. Në qoftë se shikon që flet me burrë të vdekur dhe ai jeton, do të sëmureni rëndë.

BUST

Në rast se shikoni bustin e dikujt, do të thotë zhgënjim në punë. Në rast se busti është një grua e bukur, të thotë lumturi dhe sukses. Në rast se busti është një grua e shëmtuar, do të keni një zhgënjim dashurie. Në rast se shikoni bustin lakuriq dhe në rast se nuk lëviz, do të thotë fatkeqësi.

BUSULL

Në qoftë se ëndërroni busull lundrimi, do të bëni një udhëtim të gjatë dhe të lodhshëm, por që do të jetë me shumë interes për ju.

BUZË

Në qoftë se shihni grua me buzë të kuqë natyrale, do të keni sukses në dashuri. Në qoftë se shihni që buzët tuaja janë të shëmtuara ose të enjtura, do të mësoni lajme të këqija.

BYK

Do t’ju plotësohen dëshirat.

BYRZYLYK

Në qoftë se vesh ose të dhurojnë do të marrësh një mërzitje të madhe.