Specifikisht ky vit është në veçanti interesant sepse shoqërohet me shumë ndryshime dhe zhvillime të papritura të cilat fillimisht mund t'ju mërzisin ose t‘ju çorjentojnë dhe t'ju nxjerrin nga programi juaj, por me siguri do të mbeteni të lumtur dhe të kënaqur me rezultatin, kur ky vit të ketë mbaruar. Asgjë këtë vit nuk do mund të funksionojë në bazë të një programimi, prandaj mos organizoni gjëra të rëndësishme këtë vit. Është viti ku aktivizohet shumë ajo që ne e quajmë vullnet i lirë, qoftë ky i juaji, qoftë i një personi tjetër me ndikim tek ju. Pra, programimi juaj duhet të jetë vetëm për planet afatshkurtra,në mënyrë që përmbysja potenciale e tyre, nuk do të ketë një ndikim të rëndësishëm në jetën tuaj, sesa në çështjet tuaja afatgjata dhe serioze. Slogani i këtij viti është "duke parë e duke bërë". Meqë vibrimi i këtij viti është i gëzueshëm, por jo praktik dhe për shkak se ka të bëjë me konceptin e lirisë, duhet të keni sytë hapur për mundësitë që ju paraqiten në një punë ose në një lidhje, por pa pritur stabilitet ose përmirësim që në fillim. Këtë vit, jetoni tani, tani për të tashmen. Nuk do të ishte mirë të angazhoheshit në nivel personal në një martesë ose në një nivel profesional me një kontratë shumëvjeçare. Ky vit është shumë i ndryshueshëm dhe fluid për angazhime dhe sqarime, dhe nëse jeni person që funksiononi me program dhe kërkoni siguri, atëherë mund të kaloni shumë vështirë këtë vit. Por sërisht nëse jeni një person i cili thjesht keni nevojë të relaksoheni dhe të mbushni veten me përvoja, atëherë ky vit do ju shpërblejë plotësisht. Sido që jeni, me siguri, nëse e kuptoni ose thjesht pranoni faktin se këtë vit gjithçka është fluide dhe se me ndryshimet e papritura që mund të përfitoni, atëherë patjetër do të dilni i fituar. Në çështjet tuaja personale do të keni suksese të shumta, ndërkohë që çështjet e erotizmit dhe të kënaqësisë janë veçanërisht të favorizuara. Ju jeni të sintonizuar me vitalitetin dhe energjinë e jetës, ndaj mos i lini mundësitë t'ju tejkalojnë. Kini kujdes, sigurisht,nga lodhja e tepërt, sepse gjithë kjo energji mund t'ju çojë të jetoni në një mënyrë kaq intensive sa që mund të bllokoheni dhe të dekonstruktoheni. Në përgjithësi, rrethi juaj shoqëror do të zgjerohet dhe shumë nga personat që do të hyjnë në jetën tuaj mund të jenë të dobishëm për ju gjatë viteve të ardhshme. Theksojmë sërisht nevojën për shlodhje, për të shmangur lodhjen nervore. Gjatë këtij viti shumë gjëra mund të ndryshojnë në punën tuaj në një mënyrë pozitive ose negative. Në përgjithësi, ky vit nuk është lehtësisht i parashikueshëm, sepse vepron vullneti i lirë. Shumë udhëtime, zhvendosje, kontakte,njohje dhe një Zot e di se çfarë mund të dalin nga të gjitha ato. Përgjatë një viti personal 5, në fakt, nuk do të ishte mënyrë e zgjuar të ngrini flamur të detyroni të tjerët t‘ju ndjekin juve. Ju nuk duhet të dëmtoni vullnetin e lirë e të tjerëve, për të ndryshuar situatat dhe gjërat. Ndryshimet do të vijnë vetë në kohën e duhur. Nëse jeni në një marrëdhënie, ju duhet t'i kushtoni një vëmendje të veçantë tensioneve dhe grindjeve, sepse sado të vogla të jenë, ato mund të sjellin tjetërsim dhe ndarje brenda vitit të ardhshëm. Tensioni i vazhdueshëm i shkaktuar nga ndryshimet mund t'ju bëjë të merrni vendime të guximshme ose të veproni në mënyrë spontane dhe negative. Mbani qetësinë tuaj, mos nxirrni përfundime të parakohshme. Mbani gjykimin tuaj të drejtë, përtej çdo eventualiteti të papritur. Nëse azhornoheni me ndryshimet, do të kapni klimën e kohës, diçka që mund t'ju ndihmojnë edhe në punën tuaj. Përgjithësisht, jini sa më të durueshëm dhe kini kujdes në lidhjet që bazohen vetëm në seks. Mbase për momentin ju leverdisin, por më vonë mund t’ju lëndojnë, në një masë sëmundjeje.

Nuk është një muaj për të planifikuar gjëra të rëndësishme sepse asgjë nuk do bëhet në bazë të planit tuaj. Nëse do mund t'i përshtatni situatave, muaji do të jetë në thelb i kënaqshëm dhe me surpriza të këndshme që do ju relaksojnë. Muaj i favorshëm për çështjet që kanë të bëjnë me meshkujt. Është shumë e rëndësishme për ju këtë muaj që puna juaj, t’ju japi mundësinë për të menduar në mënyrë kreative, sesa t'ju ngarkojë me përgjegjësi të mërzitshme. Ju jeni të mirë kur hyni në kontakt me forcën njerëzore, por letra juaj e fortë këtë muaj është që ju e gjeni mënyrën për të shprehur mendimet tuaja në një mënyrë elokuente dhe elegante. Ju keni aftësinë esenciale për të analizuar me shpejtësi çdo tematik, por menjëherë ju hidheni në diçka tjetër. Të shumta ndryshimet dhe mundësitë brenda këtij muaji dhe nëpërmjet këtyre ndryshimeve, ju do mund të zotëroni dhe shijoni lirinë tuaj.

Mos bëni plane specifike për sot sepse do e gjeni veten me shumë njerëz, do të keni ndryshime të papritura dhe në përgjithësi do kalojnë shumë gjëra nga duart tuaja. Situatat do të përmbysin planet tuaja, gjë kjo, e cila nuk është domosdoshmërisht e keqe, përkundrazi mund të ekzistijnë mundësi të fshehura zhvillimi, brenda këtyre ndryshimeve të programit tuaj. Një ditë shumë e mirë për biseda dhe shkëmbime që ju interesojnë. Dita ka diçka të paparashikueshme dhe kjo mund të anullojë disa nga planet tuaja. Ndiqni rrjedhën e ngjarjeve dhe shikoni mundësinë e fshehur që ekziston pas ndryshimit të planit. Një ditë, ku ju mund të shijoni lirinë, shoqërinë ose shoqërimin me fytyra mashkullore dhe shijimit të ndjesive.